Tuesday, September 25, 2007

मित्रा, तुझ्याविणा जगताना...

मित्रा, तुझ्याविणा जगताना
आता आम्ही नीट ताट मांडून जेवत नाही
कारण, ते आवरणारा कोणी नसतो
आणि आता "बसणेही" होत नाही
कारण, वेळ आलीच तर सावरणारा कोणी नसतो

मित्रा, तुझ्याविणा जगताना
आता आम्ही रूम बाहेर पडत नाही
आणि जाऊन त्या "पुणेरी" खड्यांना नडत नाही
कारण, वाटेतले रस्ते शोधणारा कोणी नसतो

मित्रा, तुझ्याविणा जगताना
आता मी गजला देखील ऎकत नाही
कारण, मी "पेटवलेल्या" गजलांना दाद देणारा कोणी नसतो
आणि आता त्या गाण्याचा प्रयत्नही करवत नाही
कारण, सोबत साथ देणारा कोणी नसतो...

- नरेन्द्र सिंह